അദ്ദിക്ർ

ലക്ഷ്യബോധമില്ലാത്ത കപടവിശ്വാസികളും പ്രജ്ഞയറ്റ അവരുടെ അനുയായിക ളും നാഥനില്‍ നിന്നുള്ള ഗ്രന്ഥത്തിന്‍റെ ഏറ്റവും നല്ല വിശദീകരണമായ അദ്ദിക്റിനെ മൂടിവെക്കുന്നവരും തള്ളിപ്പറയുന്നവരുമാണ്. അവരില്‍ നിന്നുള്ള ഏതൊരാളുടെയും മരണസമയത്ത് നാഥന്‍ അവനോട്, 'നിശ്ചയം നിനക്ക് എന്‍റെ സൂക്തങ്ങള്‍ വന്നുകിട്ടി, നീ അ വയെ തള്ളിപ്പറഞ്ഞു, നീ എല്ലാം തികഞ്ഞവനാണെന്ന് അഹങ്കരിച്ചു, നീ കാഫിറുകളില്‍ പെട്ടവന്‍ തന്നെയായിരുന്നു' എന്ന് പറയുമെന്ന് 39: 59 ല്‍ പറഞ്ഞിട്ടുണ്ട്. നാഥനെക്കുറിച്ച് കളവ് പറഞ്ഞിരുന്നവരുടെ മുഖം വിധിദിവസം രാത്രിയുടെ മൂടുപടം പോലെ ഇരുണ്ട് ക രുവാളിച്ചതായി നിനക്ക് കാണാം, അഹംഭാവികളായവര്‍ക്ക് നരകക്കുണ്ഠം പാര്‍പ്പിടമായി പോരെയോ എന്ന് 39: 60 ലും പറഞ്ഞിട്ടുണ്ട്. 9: 67-68 ല്‍ വിവരിച്ച പ്രകാരം തിന്മ കല്‍പിക്കുകയും നന്മ വിരോധിക്കുകയും ചെയ്യുന്ന മനുഷ്യപ്പിശാചുക്കളായ കപടവിശ്വാസിക ള്‍ക്കും കുഫ്ഫാറുകള്‍ക്കും നരകക്കുണ്ഠാഗ്നിയാണ് വാഗ്ദത്തം ചെയ്യപ്പെട്ടിരിക്കുന്നത്. അവര്‍ ഇവിടെ നരകക്കുണ്ഠമാണ് സമ്പാദിച്ചുകൊണ്ടിരിക്കുന്നത് എന്നതിനാല്‍ 'കുറച്ച് ചിരിച്ചുകൊള്ളാനും അധികം കരഞ്ഞുകൊണ്ടിരിക്കാനുമാണ്' 9: 80-82 ല്‍ പറഞ്ഞിരിക്കുന്നത്. അവര്‍ മാലിന്യമാണെന്നും അവര്‍ക്ക് അദ്ദിക്ര്‍ മാലിന്യത്തിനുമേല്‍ മാലിന്യമല്ലാതെ വര്‍ദ്ധിപ്പിക്കുകയില്ല എന്നും 9: 28, 95, 125 സൂക്തങ്ങളിലും പറഞ്ഞിട്ടുണ്ട്. അദ്ദിക്ര്‍ കൊ ണ്ട് വിശ്വാസിയാകാത്തതിനാല്‍ അവരുടെ പ്രവര്‍ത്തനങ്ങളെല്ലാം നിഷ്ഫലമാണ്. ലക്ഷ്യബോധമില്ലാതെയും പ്രജ്ഞയറ്റവരായും അവര്‍ ഇവിടെ ജീവിച്ചതിന് പിഴയായി നരക ക്കുണ്ഠമാണ് അവര്‍ക്ക് ലഭിക്കുക എന്ന് 18: 100-101; 25: 34, 65-66; 48: 6; 98: 6 സൂക്തങ്ങളില്‍ അവര്‍ വായിച്ചിട്ടുണ്ട്. 6: 160; 8: 22; 13: 18 വിശദീകരണം നോക്കുക.